CHET TILLARINI O'QITISHDA INNOVATSION G'OYALAR

CHET TILLARINI O'QITISHDA INNOVATSION G'OYALAR

   O'zbekiston Respublikasi Prezidentining 2018 yil 14 avgustdagi "Yoshlarni ma'naviy – axloqiy va jismoniy barkamol etib tarbiyalash, ularga ta'lim-tarbiya berish tizimini sifat jihatdan yangi bosqichga ko'tarish chora-tadbirlari to'g'risida”gi PQ-3907-sonli, 2018 yil 5 sentyabrdagi "Xalq ta'limi tizimiga boshqaruvning yangi tamoyillarini joriy etish chora-tadbirlari to'g'risida”gi PQ-3931-sonli qarorlari va 2018 yil 5 sentyabrdagi "Xalq ta'limini boshqarish tizimini takomillashtirish bo'yicha qo'shimcha chora-tadbirlar to'g'risida” PF-5538-sonli farmoni ijrosini ta'minlash maqsadida joriy yilning 28 noyabrь kuni ta'lim-tarbiya sifati hamda mazmuniga innovasion g'oyalarini joriy etish borasida Navoiy shahridagi 6-umumiy o'rta ta'lim maktabida "Chet tillarni o'rgatishda innovasion g'oyalar” mavzusida viloyat miqyosidagi o'quv-uslubiy seminar bo'lib o'tdi.
  Mazkur seminarda maktab o'quvchilari tomonidan yaratilgan ko'rgazmalar galeriyasi, ayniqsa fransuz tili fani o'qituvchisi R.Narzulloevaning "Boshlang'ich sinflarda fransuz tilini samarali o'rgatishda ota-onalar uchun o'quv qo'llanma”si, rus tili fani o'qituvchisi G.Irnazarovaning "Interesnaya frazeologiya”, ona tili va adabiyoti fani o'qituvchisi T.Yo'ldoshevaning "11-sinf ona tili darsligi asosida o'quvchining mashq daftari” nomli innovasion g'oyalar singdirilgan qo'llanmalari seminar ishtirokchilarida katta taassurot qoldirdi.
Zero, Muhtaram Yurtboshimiz Sh.Mirziyoev aytganlaridek, "Ilg'or xorijiy tajriba, zamonaviy innovasion g'oyalar, ishlanmalar va texnologiyalar asosida ilmiy faoliyatni qo'llab-quvvatlash – ta'limda innovasiyani joriy etishning samarali usullari” biz pedagoglarni ta'lim sarhadlarida izlanishlarni olib borishga chorlaydi.
Maktab jamoasidan kelajagimiz vorislari uchun, yanada ajoyib innovasion g'oyalarni kutib qolamiz.
VXTB xorijiy tillar metodisti
Sag'dullaeva Gulmira Murodillaevna

O'xshash yangiliklar